في الحقيقة بقالي فترة طويلة جدًا عايزة أكتب عن الموضوع ده ومش عارفة أبدأ الموضوع من فين .. ولا أبدأ إزاي .. طب هتكلم في ايه ولا ايه .. ده الموضوع كبير ومتشعب .. واستقريت على أني مكتبش في نظريات وإيه المفروض وخلافه لأني أكتشفت أن المفروض كلنا عارفينه .. وقررت أكتب من وحي التجارب اللى عشتها .. مش هقدر أقول تجربتي لأني لسه مجربتش :D لكنها من وحي التجارب اللى حواليا والآراء اللى كنت بسمعها.
بدأ الموضوع يشغل بالى لما كتر الكلام أوي عن شريك الحياة اللى بتتمناه أى بنت أو شريكة الحياة اللى بيتمناها أى شاب .. بمعنى أصح رحلة البحث عن النصف الآخر. وسمعت بقى كلام كتير بيتقال عن الجواز وكلام كتير عن فترة الخطوبة .. هو الكلام مش جديد يعنى.. لكن مصطلحات غريبة .. أنا قعدت أفكر هل ليها أساس من الصحة ؟ طب هى ليه الناس بتقول على الجواز كده؟ .. طب هى المشكلة فين؟ هو ليه الموضوع بقى معقد كده .. وإليكم ما توصلت إليه بعد إعمال عقلي في الموضوع ده من عدة زوايا .. وياريت تستحمولوني لان المقال طويل شوية بس ده غصب عني .. أنا حاولت قدر الإمكان أني أختصر .. وكمان عايزاكم تستحملوا نقدي الاذع .. وخصوصًا للبنات.. أنا معروف عني إني مناهضة لحقوق المرأة اللى المجتمع الشرقي واكلها .. حتى رافض يطبق الشريعة فيها .. لكن في نفس الوقت حقانية .. استحملوني بقى :D:D
الجواز زى البطيخة
دى أشهر مقولة معروفة عن الجواز .. بس يعني ايه زي البطيخة!! في ناس بتفسرها على إنها يعني قسمة ونصيب .. وده مش غلط.. وفي ناس بتفسرها على أساس إنك ممكن تشتري بطيخة وتطلع قرعة .. وده اللى أنا ضده .. ده ممكن ينطبق على البطيخ لكن مش على البني آدمين .. ينطبق على البطيخة لأنها مقفوله .. مش بنشوف اللى جواها .. على عكس البنى آدمين .. أى واحد مننا يقدر يعرف الآخر.. الموضوع نسبي مش أكتر .. يعني صعب يوصل 100 % واللى يقول كده يبقى كداب لأن فى حاجات مش هتيجي إلا بالعشرة زى ما بيقولوا .. لكن المشكلة إن أى اتنين بيفكروا في مشروع خطوبة مش بيفكروا إن دي فترة تعارف .. لأ بيفكروا إنهم يحبوا في بعض وبس:D محدش بيفكر إنه يعرف عقلية التاني .. عيوبه قبل مميزته .. وهتعامل مع العيوب دي إزاى وإزاى تحصل التوليفة زى ما بيقولوا .. وندوِّب أى اختلاف في الطباع. فبالتالي الناس اتعاملت مع الأشخاص على إنهم بطيخ مش هنعرفهم إلا بشق السكين واللى هى توازى أول شهر جواز.
الصدمــــــــــــــة
وطبعًا طالما بيتعاملوا مع بعض على إنهم بطيخ .. تحصل الصدمة بعد أول شهر جواز وأحيانًا بعد أول اسبوع ووصل الحال في بعض الحالات بعد أول يوم .. هى مش طايقاه ولا هو عايز يشوف وشها .. هى بتقول مش ده الإنسان اللى أنا اخترته وهو بيقول مش دي اللى أ نا حبيتها .. وكأنهم أول مرة يعرفوا بعض .. هى تقول مش هو ده اللى أنا قعدت مخطوباله سنتين .. مكنش مبين الكداب الغشاش .. وهو يقول بقى دى الإنسانه الرقيقة الحنينه اللى انا عرفتها .. وتبدأ الخناقات ويبدأ النكد ..و بعد كده هتلاقي عيل ورا التاني جه وتدخلات من الأهل عشان المركب تمشي .. والإتنين يرفعوا شعار أهى عيشة والسلام .. بالزمة ده اسمه كلام !
وبالتــــــالي
بما إن التجارب دى كلها حوالينا .. قرايبنا .. أصحابنا .. إخواتنا .. فأنا تركيزى مش على اللى خاض التجربة وتوصل لشعار أهى عيشة والسلام .. ولو إن ليهم حل إنهم يبتدوا من جديد وممكن المحاولة تنجح ولكن مش هتلاقي الموضوع في دماغهم أصلا .. لانهم رفعوا الشعار خلاص .. لكن أنا كلامي على اللى داخلين على المرحلة دى أو لسه في أولها .. عشان ننقذ ما يمكن إنقاذه .. لان في اتجاه عام للنفور من الجواز أو الخوف من الفشل فيه .. وده نتيجة كتر التجارب الفاشلة .. فبالتالي هتلاقي الشاب بيقول أنا مش بفكر فى الجواز أصلا .. أما البنات بقى فنوعين .. نوع لاهث ورا الجواز عشان يتخلصوا من ضغوط الأهل والمجتمع ودول أغلبية للأسف .. والنوع التاني عرفت من التجارب السابقة مدى أنانية الرجل الشرقى .. وقالت بلا وجع دماغ خلينى فى شغلى وأهدافى وتحقيق طموحاتى وخلاص .
وبعديـــن بقـــى
طبعًا ولا واحد فيهم صح سواء الشباب أو البنات .. حد هيقولي أمال المشكلة فين بقى .. خنقتينا .. متخلصي.
اصبروا بس عليا شوية .. واحدة واحدة .. هما بيتهيألي كده 3 محاور .. لو ركزنا فيهم الدنيا هتبقى أحلى :)
أول حاجة الإختيار السيء : ودى كارثة .. يعني لما تكون الشخصيات أبعد ما يكون عن بعضها .. تكملوا مع بعض ليه من أصله .. لا انتى وحشة ولا هو وحش .. بس مفيش توافق .. يجى الأب يقول لبنته كده تقوله بحبه يا بابا بحبه .. يا بنتى بتحبي فيه ايه ! هو انتى اصلا لحقتى .. ايه الخيبة دى ! وده بيبقى ناتج غن كلا الطرفين بيبقى تركيزهم حوالين المشاعر الحلوة وبس ومش مهم أى حاجة تانية.
تانى حاجة الصراحة : عدم وجود الصراحة ودى بداية المشكلة إذا كان التوافق موجود .. إن الطرفين بيحاولوا يداروا عيوبهم قدر الإمكان فترة الخطوبة وبيرفعوا شعار أنا لا أكذب ولكن أتجمل :D . نعم !!! طب وبعدين يعني ! لازم الصراحة .. حتى لو فى ناس مبتعرفش تتكلم وتقول مميزاتها وعيوبها .. يبقى على الأقل اتصرفوا بطبيعتكم.
تالت حاجة ودى الأهم المفاهيم المغلوطة عن فنرة الخطوبة والجواز
ودى أس الفساد كله .. معظم الشباب والبنات للأسف فاهمين مرحلة الخطوبة دى غلط .. دايما بيحصروها فى الفسخ والخروح وكلمة بحبك .. أنا مش بقلل من شأن ده اطلااااااقا .. لكن انا معترضة اننا نقضى فترة الخطوبة فى ده .. امال هنعرف بعض امتى !! لازم يكون مفهوم الخطوبة إنها فترة للتعارف .. يعنى يا اما هننفع بعض أو لأ .. وبالتالى ندى فرصة لنفسنا نعرف بعض .. الطباع..العقلية..الأهداف..الطموحات .. لأن الجواز معناه أن لازم يحصل دمج بين الطرفين فى كل ده .
والسبب في عدم حصول ده بتكون البنت للأسف .. لأنها دايما بتتعامل بسطحية شديدة جدًا فى الخطوبة .. يعنى لو عدى يوم ومقلش بحبك بيبقى نهارده أسود وممكن تنكد عليه كمان .. وهو بقى مش يفهمها أو يعقلها - ده إذا مكنش هو اللى عودها على كده وحصر دماغها فى ده وبس- لأ بياخدها على قد عقلها ويسايسها لحد بعد الجواز وخلاص على كده .. نوع تانى بقى من البنات معلقة يافطة مش فاضيلى .. طبيعى إنه مش هيكون فاضى الـ24 ساعة .. وتسألها مش بيكلمك وهو فى شغله اذا كان ده متاح .. تقولك اه .. طب مش بيقعد معاكى وبيكلمك اى كانت الوسيلة .. تقولك اه بس على طول مشغول .. يابنتى هو مشغول عشانك انتى فى الآخر .. طبعا بكلم نفسى !!!!
أنا مش هتكلم ليه البنت بتتصرف كده لان ده موضوع طويل جدا، سببه الاساسي أخطاء جسيمة في تربية البنت بتُرتَكب في حقها .. لكن خلينا في صلب الموضوع إن كلا الطرفين مش عارفين طبيعة كل منهما السيكولوجية .. والمفروض الإتنين يعرفوا ده من قبل أى مشروع خطوبة .. لازم يعرفوا احتياجات كل طرف .. هو بيفكر ازاى .. وهى بتفكر ازاى .. ميكانيزم العقل عند كل واحد فيهم .. وهكذا ..... ده بيسهل الموضوع كتير.
كمان لازم يبقوا عارفين إن الحب مش منحصر في كلمة بحبك إطلاقًا .. الحب ليه أشكال كتير .. مشكلة أى اتنين مخطوبين إن مفيش عمق بينهم فى العلاقة .. لو جيت سألت أى حد منهم بعد 6 شهور خطوبة .. عرفت كام فى الميه من الشخصية اللى قدامك .. محدش هيعرف يجاوبك .. هو ده العمق اللى أنا أقصده .. لازم كمان الشاب يساعد في ده .. يدى مساحات للحوار والبنت تكون مهيأه لده.
وعلى فكرة احنا بإيدينا نخلي كل لحظة بنمر بيها لحظة حب .. حتى لو كل واحد فينا في شغله وتعبانيين ومضغوطين وسرعة الحياة قرفانا .. حتى واحنا فى عز زعلنا .. ممكن نحولها لأحلى لحظة حب .. وده شيء مش خيالي وليه طرقه .. وده بيكون قرار واخدينه الطرفين .. صدقونى لو اخدتم القراار ده هتنجحوا .. لأن الحياة مش وردية .. فيها مشاكل وخلافات وده طبيعى .. احنا بشر ولكن الفكؤة هنعالج إزاى أى اختلاف أو أى مشكلة تظهر .. هنا بقى القرار اللى اقصده .
مفهوم تانى بقى مغلوط أن الجواز هو نهاية المطاف والنهاية السعيدة للخطوبة .. ودي غلطة شنيــــــــــــعة .. الجوااااااااااااز بداية الطاف مش آخرة.
وفي حاجة كمان لازم يكون عندنا هدف للحب .. سامعه واحد بيزعق .. اه هدف للحب .. اللى فاكر إنه هيحب لأجل الحب بس .. اسمحلى اقولك إنه مش هيدوم .. خاصة إن جيلنا عنده ضغوط كتيرة جدًا .. سرعة الحياة من ناحية والمسئوليات الملقاه عليه في الإصلاح من ناحية وطبعًا ضغوط الأهل وحدث ولا حرج .. ولازم البنت تبقى مدركه كل ده وتعرف ازاى هتهون على الطرف الآخر كل الكم من الضغوط ده .. فلو فى هدف وهدف متجدد يتغير بتغير المراحل .. هتبقى الحياة أحلى :)
وفي النهــــاية
عايزة أقول غن الموضوع مش سهل اه .. لكن مش مستحيل وممكن تحقيقه .. عايز تعب اه .. عايز جهد من الطرفين اه .. عايز صبر اه .. بس هو يستحق :)
حد هيقولى هنتعب فى ايه .. كل اللى فات ده تعب .. ده غير طبعًا ضغوط الأهل وخاصة لو فكرتم تعملوا حاجة مش على هواهم .. وأنا مش هقول ازاى تتحل دى لأن زى ما قولت هو قرار بتبقوا واخدينه للتعامل مع أى مشكلة أيَا كان نوعها .
وبعد ما نعمل اللى علينا .. يبقى التوفيق من عند ربنا .. وكل شيء قسمه ونصيب :D
أتمنى من ربنا يوفقنا كلنا في رحلة البحث عن النصف الآخر
وأتمنى لأى اتين مخطوبين أو لسه حياة سعيدة
:):):):)
تحيـــــــــــاتي
ســارة الشــــاذلي
بدأ الموضوع يشغل بالى لما كتر الكلام أوي عن شريك الحياة اللى بتتمناه أى بنت أو شريكة الحياة اللى بيتمناها أى شاب .. بمعنى أصح رحلة البحث عن النصف الآخر. وسمعت بقى كلام كتير بيتقال عن الجواز وكلام كتير عن فترة الخطوبة .. هو الكلام مش جديد يعنى.. لكن مصطلحات غريبة .. أنا قعدت أفكر هل ليها أساس من الصحة ؟ طب هى ليه الناس بتقول على الجواز كده؟ .. طب هى المشكلة فين؟ هو ليه الموضوع بقى معقد كده .. وإليكم ما توصلت إليه بعد إعمال عقلي في الموضوع ده من عدة زوايا .. وياريت تستحمولوني لان المقال طويل شوية بس ده غصب عني .. أنا حاولت قدر الإمكان أني أختصر .. وكمان عايزاكم تستحملوا نقدي الاذع .. وخصوصًا للبنات.. أنا معروف عني إني مناهضة لحقوق المرأة اللى المجتمع الشرقي واكلها .. حتى رافض يطبق الشريعة فيها .. لكن في نفس الوقت حقانية .. استحملوني بقى :D:D
الجواز زى البطيخة
دى أشهر مقولة معروفة عن الجواز .. بس يعني ايه زي البطيخة!! في ناس بتفسرها على إنها يعني قسمة ونصيب .. وده مش غلط.. وفي ناس بتفسرها على أساس إنك ممكن تشتري بطيخة وتطلع قرعة .. وده اللى أنا ضده .. ده ممكن ينطبق على البطيخ لكن مش على البني آدمين .. ينطبق على البطيخة لأنها مقفوله .. مش بنشوف اللى جواها .. على عكس البنى آدمين .. أى واحد مننا يقدر يعرف الآخر.. الموضوع نسبي مش أكتر .. يعني صعب يوصل 100 % واللى يقول كده يبقى كداب لأن فى حاجات مش هتيجي إلا بالعشرة زى ما بيقولوا .. لكن المشكلة إن أى اتنين بيفكروا في مشروع خطوبة مش بيفكروا إن دي فترة تعارف .. لأ بيفكروا إنهم يحبوا في بعض وبس:D محدش بيفكر إنه يعرف عقلية التاني .. عيوبه قبل مميزته .. وهتعامل مع العيوب دي إزاى وإزاى تحصل التوليفة زى ما بيقولوا .. وندوِّب أى اختلاف في الطباع. فبالتالي الناس اتعاملت مع الأشخاص على إنهم بطيخ مش هنعرفهم إلا بشق السكين واللى هى توازى أول شهر جواز.
الصدمــــــــــــــة
وطبعًا طالما بيتعاملوا مع بعض على إنهم بطيخ .. تحصل الصدمة بعد أول شهر جواز وأحيانًا بعد أول اسبوع ووصل الحال في بعض الحالات بعد أول يوم .. هى مش طايقاه ولا هو عايز يشوف وشها .. هى بتقول مش ده الإنسان اللى أنا اخترته وهو بيقول مش دي اللى أ نا حبيتها .. وكأنهم أول مرة يعرفوا بعض .. هى تقول مش هو ده اللى أنا قعدت مخطوباله سنتين .. مكنش مبين الكداب الغشاش .. وهو يقول بقى دى الإنسانه الرقيقة الحنينه اللى انا عرفتها .. وتبدأ الخناقات ويبدأ النكد ..و بعد كده هتلاقي عيل ورا التاني جه وتدخلات من الأهل عشان المركب تمشي .. والإتنين يرفعوا شعار أهى عيشة والسلام .. بالزمة ده اسمه كلام !
وبالتــــــالي
بما إن التجارب دى كلها حوالينا .. قرايبنا .. أصحابنا .. إخواتنا .. فأنا تركيزى مش على اللى خاض التجربة وتوصل لشعار أهى عيشة والسلام .. ولو إن ليهم حل إنهم يبتدوا من جديد وممكن المحاولة تنجح ولكن مش هتلاقي الموضوع في دماغهم أصلا .. لانهم رفعوا الشعار خلاص .. لكن أنا كلامي على اللى داخلين على المرحلة دى أو لسه في أولها .. عشان ننقذ ما يمكن إنقاذه .. لان في اتجاه عام للنفور من الجواز أو الخوف من الفشل فيه .. وده نتيجة كتر التجارب الفاشلة .. فبالتالي هتلاقي الشاب بيقول أنا مش بفكر فى الجواز أصلا .. أما البنات بقى فنوعين .. نوع لاهث ورا الجواز عشان يتخلصوا من ضغوط الأهل والمجتمع ودول أغلبية للأسف .. والنوع التاني عرفت من التجارب السابقة مدى أنانية الرجل الشرقى .. وقالت بلا وجع دماغ خلينى فى شغلى وأهدافى وتحقيق طموحاتى وخلاص .
وبعديـــن بقـــى
طبعًا ولا واحد فيهم صح سواء الشباب أو البنات .. حد هيقولي أمال المشكلة فين بقى .. خنقتينا .. متخلصي.
اصبروا بس عليا شوية .. واحدة واحدة .. هما بيتهيألي كده 3 محاور .. لو ركزنا فيهم الدنيا هتبقى أحلى :)
أول حاجة الإختيار السيء : ودى كارثة .. يعني لما تكون الشخصيات أبعد ما يكون عن بعضها .. تكملوا مع بعض ليه من أصله .. لا انتى وحشة ولا هو وحش .. بس مفيش توافق .. يجى الأب يقول لبنته كده تقوله بحبه يا بابا بحبه .. يا بنتى بتحبي فيه ايه ! هو انتى اصلا لحقتى .. ايه الخيبة دى ! وده بيبقى ناتج غن كلا الطرفين بيبقى تركيزهم حوالين المشاعر الحلوة وبس ومش مهم أى حاجة تانية.
تانى حاجة الصراحة : عدم وجود الصراحة ودى بداية المشكلة إذا كان التوافق موجود .. إن الطرفين بيحاولوا يداروا عيوبهم قدر الإمكان فترة الخطوبة وبيرفعوا شعار أنا لا أكذب ولكن أتجمل :D . نعم !!! طب وبعدين يعني ! لازم الصراحة .. حتى لو فى ناس مبتعرفش تتكلم وتقول مميزاتها وعيوبها .. يبقى على الأقل اتصرفوا بطبيعتكم.
تالت حاجة ودى الأهم المفاهيم المغلوطة عن فنرة الخطوبة والجواز
ودى أس الفساد كله .. معظم الشباب والبنات للأسف فاهمين مرحلة الخطوبة دى غلط .. دايما بيحصروها فى الفسخ والخروح وكلمة بحبك .. أنا مش بقلل من شأن ده اطلااااااقا .. لكن انا معترضة اننا نقضى فترة الخطوبة فى ده .. امال هنعرف بعض امتى !! لازم يكون مفهوم الخطوبة إنها فترة للتعارف .. يعنى يا اما هننفع بعض أو لأ .. وبالتالى ندى فرصة لنفسنا نعرف بعض .. الطباع..العقلية..الأهداف..الطموحات .. لأن الجواز معناه أن لازم يحصل دمج بين الطرفين فى كل ده .
والسبب في عدم حصول ده بتكون البنت للأسف .. لأنها دايما بتتعامل بسطحية شديدة جدًا فى الخطوبة .. يعنى لو عدى يوم ومقلش بحبك بيبقى نهارده أسود وممكن تنكد عليه كمان .. وهو بقى مش يفهمها أو يعقلها - ده إذا مكنش هو اللى عودها على كده وحصر دماغها فى ده وبس- لأ بياخدها على قد عقلها ويسايسها لحد بعد الجواز وخلاص على كده .. نوع تانى بقى من البنات معلقة يافطة مش فاضيلى .. طبيعى إنه مش هيكون فاضى الـ24 ساعة .. وتسألها مش بيكلمك وهو فى شغله اذا كان ده متاح .. تقولك اه .. طب مش بيقعد معاكى وبيكلمك اى كانت الوسيلة .. تقولك اه بس على طول مشغول .. يابنتى هو مشغول عشانك انتى فى الآخر .. طبعا بكلم نفسى !!!!
أنا مش هتكلم ليه البنت بتتصرف كده لان ده موضوع طويل جدا، سببه الاساسي أخطاء جسيمة في تربية البنت بتُرتَكب في حقها .. لكن خلينا في صلب الموضوع إن كلا الطرفين مش عارفين طبيعة كل منهما السيكولوجية .. والمفروض الإتنين يعرفوا ده من قبل أى مشروع خطوبة .. لازم يعرفوا احتياجات كل طرف .. هو بيفكر ازاى .. وهى بتفكر ازاى .. ميكانيزم العقل عند كل واحد فيهم .. وهكذا ..... ده بيسهل الموضوع كتير.
كمان لازم يبقوا عارفين إن الحب مش منحصر في كلمة بحبك إطلاقًا .. الحب ليه أشكال كتير .. مشكلة أى اتنين مخطوبين إن مفيش عمق بينهم فى العلاقة .. لو جيت سألت أى حد منهم بعد 6 شهور خطوبة .. عرفت كام فى الميه من الشخصية اللى قدامك .. محدش هيعرف يجاوبك .. هو ده العمق اللى أنا أقصده .. لازم كمان الشاب يساعد في ده .. يدى مساحات للحوار والبنت تكون مهيأه لده.
وعلى فكرة احنا بإيدينا نخلي كل لحظة بنمر بيها لحظة حب .. حتى لو كل واحد فينا في شغله وتعبانيين ومضغوطين وسرعة الحياة قرفانا .. حتى واحنا فى عز زعلنا .. ممكن نحولها لأحلى لحظة حب .. وده شيء مش خيالي وليه طرقه .. وده بيكون قرار واخدينه الطرفين .. صدقونى لو اخدتم القراار ده هتنجحوا .. لأن الحياة مش وردية .. فيها مشاكل وخلافات وده طبيعى .. احنا بشر ولكن الفكؤة هنعالج إزاى أى اختلاف أو أى مشكلة تظهر .. هنا بقى القرار اللى اقصده .
مفهوم تانى بقى مغلوط أن الجواز هو نهاية المطاف والنهاية السعيدة للخطوبة .. ودي غلطة شنيــــــــــــعة .. الجوااااااااااااز بداية الطاف مش آخرة.
وفي حاجة كمان لازم يكون عندنا هدف للحب .. سامعه واحد بيزعق .. اه هدف للحب .. اللى فاكر إنه هيحب لأجل الحب بس .. اسمحلى اقولك إنه مش هيدوم .. خاصة إن جيلنا عنده ضغوط كتيرة جدًا .. سرعة الحياة من ناحية والمسئوليات الملقاه عليه في الإصلاح من ناحية وطبعًا ضغوط الأهل وحدث ولا حرج .. ولازم البنت تبقى مدركه كل ده وتعرف ازاى هتهون على الطرف الآخر كل الكم من الضغوط ده .. فلو فى هدف وهدف متجدد يتغير بتغير المراحل .. هتبقى الحياة أحلى :)
وفي النهــــاية
عايزة أقول غن الموضوع مش سهل اه .. لكن مش مستحيل وممكن تحقيقه .. عايز تعب اه .. عايز جهد من الطرفين اه .. عايز صبر اه .. بس هو يستحق :)
حد هيقولى هنتعب فى ايه .. كل اللى فات ده تعب .. ده غير طبعًا ضغوط الأهل وخاصة لو فكرتم تعملوا حاجة مش على هواهم .. وأنا مش هقول ازاى تتحل دى لأن زى ما قولت هو قرار بتبقوا واخدينه للتعامل مع أى مشكلة أيَا كان نوعها .
وبعد ما نعمل اللى علينا .. يبقى التوفيق من عند ربنا .. وكل شيء قسمه ونصيب :D
أتمنى من ربنا يوفقنا كلنا في رحلة البحث عن النصف الآخر
وأتمنى لأى اتين مخطوبين أو لسه حياة سعيدة
:):):):)
تحيـــــــــــاتي
ســارة الشــــاذلي
